CLEGall 00020 = CIMAH-1, 00005

Ambrosius gestis cui caeli regna patescunt

      Huic quoque promeruit membra donare solo.

Protegit hunc tellus sanctorum sanguine pollens,

      Quem caeli meritis clarior axis habet.

5

Sic pater omnipotens quos mundum temnere cernit,

      Martiribus uoluit consociare suis,

Et licet hoc templum fulgenti luce coruscet,

      Hic quoque sublimat corpore templa suo,

Quem templum seruasse fide uitamque futuram

10

      Perpetuasse bonis gloria celsa docet.

Nam meruit primam abbatis nomine palmam;

      Cum sanctis fratrum coepit amica fides

Auctoris nostri laudem sine fine canendam

      Psallere succiduo perpetuoque choro,

15

Hunc si martirii uidissent tempora iustum,

      Post primum Victor, iste secundus erat.

Provincia Alpes Poeninae / Località: Acaunus Nantuatium / Saint-Maurice
Datazione: post 522 d.C.

EDCS

 

Testo base di riferimento: CLEGall 00020

Cura dell'edizione digitale: A. Prontera, 2022

 

Distici elegiaci