ICUR-02, 04162 = AE 2018, +00126

Da mecum gemitum singulti Roma doloris

      Plena sacerdotis luctibus egregii

Cur quoniam deflere solet mens arta peric(u)lis

      Plebsque orbata piis insuper officiis

5

Hic uir inaccessis tenuit contraria factis

      Haec documenta bonis moribus apta suis

Mitis in aduersis positus rebusque secundis

      Omnia grata ferens altera pressa tenens

Praeuenit ne nata forent delicta uiritim

10

      Orta iam secuit cum pietate graui

In commune bonus Bonifatius inde uocatus

      Propria lucra putans publica subsidia

Munificus sapiens castus sincerus et aequus

      Ista beatorum sunt pia suffragia

15

Nam uidualis apex pupillorumque phalanges

      Caecorumque chorus dux tibi lucis erit

Infermuit post fata suis mors saucia telis

      Respiciens meritum uiuere posse uirum

Culmen apostolicum quinque et bis mensibus annis

20

      Rexit et ad magni culmen honoris abit

Regio I Latium et Campania / Località: Roma
Datazione: 625 d.C.

EDCS
EDB

 

Testo base di riferimento: ICUR-02, 04162

Cura dell'edizione digitale: A. Prontera, 2022

 

Distici elegiaci