CLE 01477 = Carletti-2008, 00115 = ICUR-02, 04156 = ILCV 00990 = Mossong-2022, 00109

Suscipe terra tuo corpus de corpore sumptum,

      Reddere quod ualeas uiuificante deo.

Spiritus astra petit, nil iura nocebunt

Cui uitae alterius mors magis ipsa uia est.

5

Pontificis summi hoc clauduntur membra sepulcro

      Qui innumeris semper uiuit ubique bonis.

Esuriem dapibus superauit, frigora ueste

      Atque animas monitis texit ab hoste sacris

Implebatque actu quidquid sermone docebat

10

      Esset ut exemplum mystica uerba loquens.

Ad Christum Anglos conuertit pietate magistra,

      Adquirens fidei agmina gente noua.

Hic labor, hoc studium, haec tibi cura, hoc pastor agebas

      Vt domino offerres plurima lucra gregis.

15

Hisque dei consul factus laetare triumphis.

      Nam mercedem operum iam sine fine tenes.

Regio I Latium et Campania / Località: Roma
Datazione: 12/3/604 d.C.

Postscriptum: hic requiescit Gregorius p(a)p(a) qui sed(it) ann(os) XIII mens(es) VI d(ies) X / d(e)p(ositus) XIIII Id(us) Mart(ias) [post cons(ulatum) dom(ini) n(ostri) Focae Aug(usti) an(no) II]

EDCS
EDB
TM

 

Testo base di riferimento: Mossong-2022, 00109

Cura dell'edizione digitale: A. Prontera, 2022

 

vv. 1-2: Distici elegiaci

v. 3: Altro metro

v. 4: Esametro

vv. 5-16: Distici elegiaci