CLE 01405 = ICUR-01, 03907 = ILCV 04748

Suscipe funerea parentum carmina, nate,

      Quae tua debuit nos tumulare manus.

O patrios subito foedasti funere uultus,

Aeterno iugulas gladio corda matris.

5

Vrimur et proprias pertundis corde sagittas

      Et tuus in nostro pectore regnat amor.

Garrula cum uenerit nobis in mente loquella

      Incendis uarios uiscera nostra focos.

Pulcher in aspectu ludebas in aula parentum,

10

      Cunctorum gaudens blandus amator eras.

Eheu quam misera contundis ossa sepulchri,

      Fimbria parentum altera flamma cremas.

Haec tibi, care fili, tristes flentesque parentes

      Luctificas tumulo dant titulisque curas.

Regio I Latium et Campania / Località: Roma
Datazione: 350-450 d.C.

EDCS
EDB

 

Reference basis text: CLE 01405

Editing of the digital edition: A. Prontera, 2022

 

vv. 1-2: Elegiac couplets

vv. 3-4: Hexameters

vv. 5-14: Elegiac couplets