CLE 01402 = ICUR-08, 23732 = ILCV 00611

Haec quaecumque legis deuoto pectore mater,

      Da lacrimas et me sic peperisse dole.

Hic iacet extinctus crudeli funere natus,

      Vltima uiuendi quae mihi causa fuit.

5

Maxima praestabat miserae solacia matri,

      Consilio fratres et pietate colens.

Plurima restituit curando corpora uitae,

      Quem mihi tam subito mors properata tulit.

Regio I Latium et Campania / Località: Roma
Datazione: 400-500 d.C.

EDCS
EDB

 

Testo base di riferimento: CLE 01402

Cura dell'edizione digitale: A. Prontera, 2022

 

Distici elegiaci