CLE 01394 = ILCV 00055

Culmen opes subolem, pollentia regna, triumphos

      Exubias proceres moenia castra lares

Quaeque patrum uirtus et quae congesserat ipse

      Ceadual armipotens liquit amore dei,

5

Vt Petrum sedemq(ue) Petri rex cerneret hospes,

      Cuius fonte meras sumeret almus aquas

Splendificumque iubar radianti carperet haustu,

      Ex quo uiuificus fulgor ubiq(ue) fluit.

Percipiensq(ue) alacer rediuiuae praemia uitae

10

      Barbaricam rabiem nomen et inde suum

Conuersus conuertit ouans, Petrumq(ue) uocari

      Sergius antistes iussit ut ipse pater

Fonte renascentis, quem Chr(ist)i gratia purgans

     Protinus albatum uexit in arce poli.

15

Mira fides regis, clementia maxima Chr(ist)i,

      Cuius consilium nullus adire potest.

Sospes enim ueniens supremo ex orbe Britann(us)

      Per uarias gentes, per freta perque uias

Vrbem Romuleam uidit templumq(ue) uerendum

20

      Aspexit Petri mystica dona gerens.

Candidus inter oues Chr(ist)i sociabilis ibit,

      Corpore nam tumulum, mente superna tenet.

Commutasse magis sceptrorum insignia credas,

      Quem regnum Chr(ist)i promeruisse uides.

14

albatum; ablatum scr. Du Chesne, De Angelis

Regio I Latium et Campania / Località: Roma
Datazione: 689 d.C.

Postscriptum: hic depositus est Ceadul qui et Petrus rex Saxonum / sub die XII K(a)l(endarum) Maiarum indict(ione) II qui vixit annos pl(us) m(inus) XXX / imperante d(omi)n(o) Iustiniano Piissimo Aug(usto) anno eius consulatus IIII / pontificante apostolico viro domno Sergio p(a)p(a) anno II

EDCS

 

Testo base di riferimento: CLE 01394

Cura dell'edizione digitale: A. Prontera, 2022

 

De Angelis = P. De Angelis, Basilicae veteris Vaticanae descriptio, Romae 1646

Du Chesne = A. Du Chesne, Histoire des Papes et Souverains chefs de L'Eglise, VI, Parisiis 1653

Distici elegiaci