CLE 01370 = CIL 06, 32031 = ICUR-02, 05043 = ILCV 00243

Post mortem si uiuit amor, si gratia prisca

      Durat in arcanum mentis adacta bonum,

Quamuis luctificum fratris tamen accipe carmen,

      Ne mala sit tumulis extera lingua tuis.

5

Te natura parens omni depinxerat arte,

      Moribus ingenio corpore mente fide:

Purus amicitiae cultor, seruator honesti,

      Eloquio miseros uel pietate iuuans.

Hinc est quod toto semper te flebimus aeuo,

10

      Quod fuerit iuueni uis tibi multa senis.

Te genetrix fratresque simul, te compare luctu

      Perpetuis lacrimis plangit amata domus.

Regio I Latium et Campania / Località: Roma
Datazione: 525 d.C.

Postscriptum: Hic requiescit in pace b(onae) m(emoriae) Petilius Processius v(ir) s(pectabilis) / togatus inll(ustrissimorum) pp(raefectorum) qui vixit pl(us) m(inus) ann(os) XXXVIII deposit(us) e(st) / sub die VIII Kal(endas) Iun(ias) Probo iun(iore) v(iro) c(larissimo) cons(ule)

EDCS
EDR
ACE-CIL
TM

 

Testo base di riferimento: CLE 01370

Cura dell'edizione digitale: A. Prontera, 2022

 

Distici elegiaci