CLE 01203 = Cholodniak 00772 = CIL 05, 05320 = CEN 00002

Vita breuis longo melior mortalibus aeuo,

      Nam paruo spatio floruit haec anima

Bis denos perfuncta annos sine crimine morum:

      Vita beata fuit, spiritus hic nituit.

5

At patrum miseranda aetas anima cruciatur

      Poenaque de longo tempore longa data est:

De senio luctus, senium fletu renouatur,

      Vtraque res mortis durior exitio.

Dat tamen haec patronae pietas solacia fidae,

10

      Iugera quot terrae dedicat hic tumulus.

Regio XI Transpadana / Località: Comum / Como
Datazione: 1-200 d.C.

Praescriptum: D(is) M(anibus) / Anniae / Agathonices

EDCS
EDR

 

Testo base di riferimento: CLE 01203

Cura dell'edizione digitale: A. Prontera, 2022

 

Distici elegiaci