CLE 01186 = Cholodniak 00625 = CIL 14, 00510

Ille ego Demetrius uero libratus abunde,

Ingressus uitam non longi temporis ictu

Infernis numinibus dedi, et post imagine mortis

Haec mihi templa placent merito et praemia lucis.

5

Pubertas nitida studiaque abundantia uitae,

      Et reuerens plene morte grauatus obi.

Multa quidem bonitate gerens et uernula uernis

Nec nimie, conuiuia rapuit dum gloria uitae,

Sperabam rate infernas subito delatus ad umbras,

10

Bis septem placidos ann(os) et adhuc formatus in unum.

Autumnus medius octobri mense refertus

Laesit animam dulcem et spem certissima fregit.

Illa tamen sancta et formata uerecundia saepe

Amittit Tantali aspectu et timorem Sisyphi,

15

Abest Ixion umbraeq(ue) et Furiae metus,

Set in secessum numinis infernae domus

Oficiosus tandem ministerio laetatur suo.

Regio I Latium et Campania / Località: Portus / Fiumicino
Datazione: 150-200 d.C.

EDCS
EDR
ACE-CIL
TM

 

Testo base di riferimento: CLE 01186

Cura dell'edizione digitale: A. Prontera, 2022

 

vv. 1-4: Esametri

vv. 5-6: Distici elegiaci

vv. 7-13: Esametri

vv. 14-16: Giambici

v. 17: Altro metro