CLE 01106 = Cholodniak 009797 = CIL 06, 25531

Qui dum uita datast, semper uiuebat auarus,

      Heredi parcens, inuidus ipse sibi,

Hic accumbentem sculpi genialiter arte

      Se iussit docta post sua fata manu,

5

Vt saltem recubans in morte quiescere posset

      Securaque iacens ille quiete frui.

Filius a dextra residet, qui castra secutus

      Occidit ante patris funera maesta sui.

Sed qui defunctis prodest genialis imago?

10

      Hoc potius ritu uiuere debuerant.

Regio I Latium et Campania / Località: Roma
Datazione: 70-100 d.C.

Postscriptum: C(aius) Rubrius Urbanus sibi et Antoniae / Domesticae coniugi suae et Cn(aeo) Domitio / Urbico Rubriano filio suo et libertis / libertabusque posteri(s)que eorum et M(arco) / Antonio Daphno fecit

EDCS
EDR
TM

 

Testo base di riferimento: CLE 01106

Cura dell'edizione digitale: A. Prontera, 2022

 

Distici elegiaci