CLE 00688 = CAG-13-05, p 560 = CIL 12, 00949 = ILCV 01062 (add)

Antistes domini qui p[aupertatis] amorem

Praeponens auro rapuit c[aelesti]a regna,

Hilarius cui palma o[b]itus e[t uiu]ere Chr(istu)s,

Contemnens fragilem ter[ren]i corporis usum

5

Hic carnis spolium liquit a[d] astra uolans.

Spreuit opes, dum quaerit opes, mortalia mu[t]ans

Perpetuis, caelum donis terrestribus emit,

Gemma sacerdotum plebisque orbisque magister,

Rustica quin etiam pro Chr(ist)o [mu]nia sumens,

10

Seruile obsequium [non] dedignatus adire,

Officio uixit minimus et culmine summus.

Nec mirum si post haec meruit tua limina, Chr(ist)e,

Angelicasque domos intrauit et aurea regna,

Diuitias, paradise, tuas, flagrantia semper

15

Gramina et halantes diuinis floribus hortos,

Subiectasque uidet nubes et sidera caeli.

1

p[aupertatis] suppl. Salinas

2

c[aelesti]a suppl. Salinas

3

o[b]itus e[t uiu]ere suppl. Salinas

4

ter[ren]i suppl. Salinas

9

[mu]nia suppl. Salinas

10

[non] suppl. Salinas

Provincia: Gallia Narbonensis / Località: Arelate / Arles
Datazione: 500-600 d.C.

Praescriptum: Sacro/sanctae le/gis antestis / Hilarius / hic quiescit

EDCS
CLEo
TM

 

Testo base di riferimento: CLE 00688

Cura dell'edizione digitale: A. Prontera, 2022

 

Salinas = J. Salinas, Sanctorum Prosperi Aquitani et Honorati Massiliensis Opera, Romae 1732, pp. 311-312

vv. 1-4: Esametri

v. 5: Pentametro

vv. 6-16: Esametri