CLE 00436 = Cholodniak 00693 = CIL 06, 20674 = Exoff p 339

Iam datus est finis uitae, iam paussa malorum

Vobis quas habet hoc gnatam matremq(ue) sepulcrum

Litore Phocaico pelagi ui exanimatas

Illic, unde Tagus et nobile flumen Hiberus

5

Vorsum ortus uorsum occasus fluit alter et alter,

Stagna sub Oceani Tagus et Tyrrhenica Hiberus:

Sic etenim duxere olim primordia Parcae

Et neuere super uobis uitalia fila,

Cum primum Lucina daret lucemq(ue) animamque,

10

Vt uitae diuersa dies foret unaque leti.

Nobis porro alia est trino de nemine fati

Dicta dies leti, quam propagare suopte

Visum ollis tacito arbitrio cum lege perenni,

Sisti quae cunctos iubet ad uadimonia mortis.

1

paussa; pausa i. e.

Regio I Latium et Campania / Località: Roma
Datazione: 150-200 d.C.

Postscriptum: Iulius Secundus // D(is) M(anibus) / Iuliae Secundae filiae Corneliae Tyches uxoris / et forma singulari et / moribus piissimis doctri/naq(ue) super legitimam / sexus sui aetatem prae/stantissimae quae vixit / annis XI mens(ibus) VIIII d(iebus) XX / et incomparabilis erga / maritum adfectus sancti/tatisque et eximiae erga / liberos pietatis quae / vixit annis XXXVIIII mens(ibus) IIII d(iebus) VII ex is mecum ann(os) XI

EDCS
EDR
ACE-CIL
ACE-CIL

 

Testo base di riferimento: CLE 00436

Cura dell'edizione digitale: A. Prontera, 2022

 

Esametri