CLE 00029 = Cholodniak 01099 = CIL 06, 41107a = CIL 06, 09797 = CIL 06, 33815a = CLENuovo p 97 = Courtney 1995, 00124 = D 05173

Vrsus togatus uitrea qui primus pila

Lusi decenter cum meis lusoribus

Laudante populo maximis clamoribus

Thermis Traiiani, thermis Agrippae et Titi,

5

Multum et Neronis, si tamen mihi creditis,

Ego sum. ouantes conuenite pilicrepi

Statuamque amici floribus, uiolis rosis

Folioque multo adque unguento marcido

Onerate amantes et merum profundite

10

Nigrum Falernum aut Setinum aut Caecubum

Viuo ac uolenti de apotheca dominica

Vrsumque canite uoce concordi senem

Hilarem iocosum pilicrepum scholasticum,

Qui uicit omnes antecessores suos

15

Sensu, decore adque arte suptilissima.

Nunc uera uersu uerba dicamus senes:

Sum uictus ipse, fateor, a ter consule

Vero patrono, nec semel sed saepius,

Cuius libenter dicor exodiarius.

Regio I Latium et Campania / Località: Roma
Datazione: 126 d.C.

EDCS
EDR
EDH
ACE=CIL
TM

 

Testo base di riferimento: CLE 00029

Cura dell'edizione digitale: L. Sansone di Campobianco, 2009 - A. Prontera, 2022

 

Giambici