12. ad Xandram

Ante fores pateris nostras astare tabellas

      Nec tua licterulis limina, Xandra, patent.

Obsecro qui facias: non hic fera cena Thyestae

      Narratur, non hic carmina Colchis agit;

5

Nec tibi mordaci referuntur iurgia lingua,

      Fallere nec temptat lictera nostra dolis.

Sed domini gestit modicas narrare querelas

      Et veniam culpae poscere, Xandra, meae.

Durior ergo petra nisi sis, durissima, dura,

10

      Licterulas cupies, candida Xandra, meas.