2.
Hic ubi functus obit Nicolaus luce suprema
Estensis iussit viscera clausa tegi,
Maestior at domini sepelit Ferraria corpus,
Cum quo omnis Ligurum ferme sepulta salus.
5
Vna eadem ad superos meritis melioribus illum
Spemque suam populis abstulit hora brevis.
Iam senio tardante gravi, quaeque optima mors est,
Defunctum gemuit tristis utrinque Padus.
Neve absit totus quae se dilexerat urbi,
10
Quae dederat vivens interiora dedit.