4. epigramma eiusdem, dum viseret
tumulum Gregorii Pape XII

Optime pontificum, caelo degnate, nepotem

      Aspicis ad tumulum relliquiasque tuas.

Non licuit puero quondam, dum vita manebat,

      Ora neque aspectus usque videre tuos.

5

Me tamen esse esse tui memorem voluere parentes,

      Deque tuo dictus nomine Gregorius.

Salve, sancte pater, tuque, o fidissima quondam

      Curarum requies, hospita terra, vale.