25. EPITAPHIVM CHRISTOPHORI LAMPVGNANI

Christophorus situs hic, quem Lampugnana propago

      Protulit: exemplum sit mea vita tuum.

Disce ex me, qui cum periere iuventa decorque:

      Quale iuventa bonum, quale decorque bonum?

5

Disce ex me, qui cum periere genusque decusque:

      Quale genusque bonum, quale decusque bonum?

Disce ex me: quid tot fasces titulique tumentes,

      Quid tot opes, quid tot gaudia fluxa iuvant?

Vna iuvat tantum quae me mortalibus olim,

10

      Nunc carum probitas reddidit una deo.