15. EPITAPHIVM IOSEPH, PATRIARCHAE CONSTANTINOPOLITANI

Ecclesiae antistes fueram qui magnus Eoae,

      Hic iaceo, magnus religione, Ioseph.

Hoc unum optabam, miro inflammatus amore:

      Vnus ut Europae cultus, ut una fides.

5

Italiam petii; foedus percussimus unum,

      Iunctaque Romanae est, me duce, Graia fides.

Me Constantini dedit urbs; Florentia servat,

      Qua tunc concilium floruit urbe sacrum.

Felix qui tanto donarer munere vivens,

10

      Qui morerer voti compos et ipse mei!