14. EPITAPHIVM PAVLI CRAPANICENSIS, ARCHIEPISCOPI BENEVENTANI

Qui Spoletanae praefectus maximus arcis,

      Qui Beneventanae praesul et urbis eram,

Quique Columnensi sacro sub principe magnus,

      Magnus qui fueram consilio atque fide,

5

Tantillo, heu, tantus tegor hoc sub marmore Paulus:

      Patria Roma, genus Crapranicense mihi.

Spoletum rapuit; mea me sibi patria iussit

      Restitui; nunc mens purior astra colit.