15.

AD LAELIVM

Si tua te, Laeli, sub prisca aetate tulisset,

      Si virtus priscis nota fuisset avis,

Te quotiens credis sanctorum carmina vatum

      Misissent, quotiens nomen ad astra tuum?

5

Tunc praeclara tui scripsissent principis arma

      Scripsissentque simul teque tuumque genus,

Quantum consilio posses animoque fideque

      Inter et heroes et canerere duces,

Staret in aeterno celebratum tempore nomen,

10

      Nomen in aeterna posteritate tuum.