Maffeo Vegio elegiae 1, 9

Reference basis text: Nicolle Lopomo, 2010/2012

Editing of the digital edition: K. Škraban, 2020


9.

AD MAECENATEM

Maecenas, te dux noster commendat amatque

      Perfruiturque tuo iudicio atque fide.

Te sancti vates laudantque probantque coluntque:

      Signa haec virtutis sat manifesta tuae.

5

Magnus es ergo, ducis tanti qui dignus amore es,

      Qui sua consiliis credidit arma tuis;

Maior item, quando celebrant tua nomina vates,

      Quando poetarum dignus amore venis.