3.

AD BRIPIVM

Quos mihi scripsisti, vir mansuetissime Bripi,

      Perlegi numeros terque quaterque tuos.

Parce meas tanto celebrari nomine Musas:

      Namque mihi nomen vel mediocre sat est.

5

Nunc redeo ad quod me primum tua littera poscit.

      Ad vada vicini fluminis ire paras;

Sic tibi visa loqui est, mater sic iussit aquarum:

      «Retia tende». Leves illa parabit aquas.

Ipse etiam, quando, ut scribis, me diva vocavit,

10

      En venio, Aonidum sanctaque turba venit.

Musas duco meas Phoebumque et multa deorum

      Numina, si pro tot commodus hospes eris.