16. in Cinthiam

Qui miserum totiens expertus iam sit amorem

      Cur iterum laqueos incidit ille nouos?

In foueam quotiens lapso pede fluxit asellus,

      Inuitus tales cogitur ire uias.

5

Ast ego quid sit amor, quid dura incendia noui

      Et quot mortifero sint in amore doli;

Et tamen infelix iterum compellor eodem,

      Cogor et antiquo subdere colla iugo.

Tantum sola potes in me, que sidere quo uis,

10

      Cinthia, me dulcis, Cinthia, meque trahis.

Stare tua haud contra possum uel tela uel artes

      Et si me ludis, ludier usque iuuat.