1. in Cinthiam
Cinthia, si qua meo debetur fama labori,
Abs te suscipiam quicquid honoris erit.
Tu mihi das ipsas scribenda in carmina uires,
Tu facis ingenium, tu facis eloquium.
5
Te duce concedunt diue in mea uota sorores,
Te duce Castalio somnia fonte bibo.
Summa tibi, fateor, debentur premia:summo
Te quoque, si liceat, carmine ad astra feram.
Et nostri prima uenies in parte libelli:
10
Tu mihi principium, tu mihi finis eris.