Enea Silvio Piccolomini Cinthia, 1

Testo base di riferimento: A. Van Heck, 1994

Cura dell'edizione digitale: Federica Giacomin


1. in Cinthiam

Cinthia, si qua meo debetur fama labori,

      Abs te suscipiam quicquid honoris erit.

Tu mihi das ipsas scribenda in carmina uires,

      Tu facis ingenium, tu facis eloquium.

5

Te duce concedunt diue in mea uota sorores,

      Te duce Castalio somnia fonte bibo.

Summa tibi, fateor, debentur premia:summo

      Te quoque, si liceat, carmine ad astra feram.

Et nostri prima uenies in parte libelli:

10

      Tu mihi principium, tu mihi finis eris.