42. epitaphium domini Nicolai Tudisci
Panhormi antistitis, iuris pontificii principis

Morte tua canon, leges et iura Quiritum

      Occubuere: tibi contumulata iacent.

Tu Nicolaus eras Tudisco a sanguine natus,

      Panhormi antistes, sed Cathinensis eras.

5

Eugenio et Basilea concordi lite ruebat

      Nostra fides; steterat, te duce, concilium.

Nominis et tituli cumulos et laudis adeptus,

      Vnde tuum texit rubra tiara caput.