38. Grassiae Hispani strenuissimi equitis epitaphium

Montibus Hispanis Romam descendit et, omni

      Deleta macula corporis atque animae,

Grassias validus Siculas discurrit ad oras:

      Germanum et sedem fata videre sinunt.

5

Quinque dies risit fortuna, invidit honori:

      Cornipedis casu fortis ad ima ruit.

Scissa fronte suum plures videre cerebrum,

      Vnde obiit, vita nunc meliore fruens.