32. ad Antonium

Magnanime Antoni, Latia facunde Thalia,

      Armiger eloquii splendor et altus honor,

Alter in Alpinis nivibus velut Hannibal ingens

      Et Celtas Senones non sinis esse truces

5

Et glomeras celebres magnae virtutis honores,

      Splendidus et forma carmen opusque colis.

Te rupis Tarpeia sonat, te Belgica tellus,

      Insignem Musis sacra deique lyra.

Saecula quot cervus, quot vivit saecula cornix

10

      Deprecor ut numeret tot tua vita dies.