5. ad inclytum ducem Venetiarum
Leonardum Lauredanum
presbyter Hieronymus Atestinus

O Dux Adriacis, Venetum lux unica, terris,

      Quem beat in populos candida fama tuos,

Quantum ales forma superat Iunonia cunctas

      Atque avibus quantum carmine praestat olor,

5

Tam, Leonarde, viros mira probitate togatos

      Moribus et forma vincis et eloquio:

Magnificas laudes nostris memorabo Camenis

      Dum surget Phoebi Phosphorus ante iubar.