64. de presbytero
Venerat ad claras Patavini praesulis aedes
Presbyter, eximii ceu foret hospes heri.
Atque ita quom longas tererent sermonibus horas,
A docto fuerat coena parata coquo.
5
Caeperat et lautae nidor penetrare culinae;
Nec mora, quom primum presbyter orsus ait:
Quor non instructae te dedis, episcope, mensae?
Quor potius tu non hinc agis? ille refert.
Macte, o magnifici mores, si perdere coenam,
10
Si per convivam praesul obire potest.