22. laus Aurispae ad Cosmum virum clarissimum

Si quis erit priscis aequandus, Cosme, poetis,

      Et si cui Phoebus Pyeridesque favent,

Si quis, quum loquitur vel splendida facta reponit,

      Mercurium iures eius ab ore loqui,

5

Quive alios laudet cum sit laudabilis ipse,

      Quive hedera merito tempora nexa ferat,

Si quis erit linguae doctus graiae atque latinae:

      Si non Aurispa est hic, periisse velim.

Quisquis in hoc mecum non senserit, arbiter aequus

10

      Non fuit, aut certe Zoilus ille fuit.