3. ad Cardinalem Vrsinum

Si qua manent altae nobis vestigia Romae,

      Hac procerum priscus cessit ab urbe vigor,

Hannibal aut Latiis si nunc pellendus ab oris,

      Aut Pyrrho aut Gallis bella gerenda forent.

5

Tu effigiem patrum retines, Iordane, priorum

      Qui possis Romam solvere ab hoste tuam.

Nam quantum Arctoo fulget Cynosura sub axe,

      Tantum Vrsina domus vivet in orbe potens.

Sed quorsum hae laudes? non haec mea munia sunto

10

      Tollere versiculis fortia facta meis.

Haec mea scena fuit, fuit haec mea tota Minerva

      Et Rhodum et sanctos dilacerare viros.