2. epitaphion Mediolanensis ducis Francisci

Sforciades modica iacet hac Franciscus in urna,

      Quoi virtus animos imperiumque dedit.

Insubrium felix princeps et in ordine quartus

      Et stetit ipse ferox sub ditione Lygur.

5

Iusticiae cultor, post bellum pacis amator,

      Regibus auxilium suppetiasque tulit,

Omnia belligerans implevit munia Martis,

      Sive equitis quaeras munia sive ducis.

Is potuit divi sub tempore Caesaris esse

10

      Magnus at in nostro tempore Caesar erat.