4. epitaphion Cismogeniae Antonii F.

Quam tulit in media tellus Campana ruina,

      Nunc iacet hoc humili Cismogenia loco.

Ne patriae horreret casum, terraeque tremores,

      Vna eademque dies hanc dedit hanc rapuit.

5

Felix cui dederit prius astra revisere fatum,

      Quam sentire animae noxia damna suae.

Haec pater infelix vates in funere natae

      Munera parva quidem, sed diuturna dedit.