24. de natali filii ad Voconium

O lux candidior beatiorque

Illa qua peperit Iovem Cybele!

Signanda et niveae nitore gemmae,

Qua natus tibi filius, Voconi,

5

Claram qui faciet domum suisque

Attollet titulis lares avitos:

Virtute ingenio decore felix

Insignes Latio dabit triumphos.

Quod solum superest, precamur ut te

10

Di servent diu filio, tibique

Filium diu sospitem reservent.