23. Mousai
Clio
Historiis famamque et facta vetusta reservo.
Thalia
Plantandi leges per me novere coloni.
Erato
Connubia et rectos mortalibus addit amores.
Euterpe
Tibia concentus hac praemonstrante figurat.
Melpomene
5
Haec vivos cantus et dulcia carmina format.
Terpsichore
Ista choris aptat saltus ad sacra deorum.
Polymnia
Haec docuit segetes acuens mortalia corda.
Vrania
Signa poli, varias naturas monstro viasque.
Calliope
Materiam vati et vocem concedo sonantem.