Giovanni Quatrario odule, 16

Testo base di riferimento: G. Pansa, 1912

Cura dell'edizione digitale: Federica Giacomin


16.

Atque solent campis castris collidere castra

Duplex in armis Mars viget, sidera rumor adit,

Vtque fuit cum bella deum meruere gigantes,

Cum vulsus osse pelion, incubat ex pedibus,

5

Agmina ventorum totis tonuere magellis

In pallidos niger volat nimbus et auster aquis.

Tum gravide cecidere nives quas kaurus inundat,

Gemunt et oppostas rogant tecta manus domini

Depositura malis aliter sua dorsa ruinis,

10

Fastigium casum ciet, atque sonant proceres,

Namque caballus erat prope fractus pondere lumbos

Ceu carneus, Prius gemens quam ruat ex onere,

Alleviare vacat, terrent sed fata virorum,

Mortale suspicit basis missilis inferior,

15

Credita nostra domus, sibimet ceraunia fecit

Cum tres Apollo liquerat tergora post tenebras.

Quam bene sensieras domus hem stabularis equorum,

Ruendo avitis reddier posse cacuminibus,

Excarnesque boves verum est feriuntur oestris,

20

Conclave scrineum putas claudere midaticum?

And didici Amphione liram monstrante potentem

Pro sponte rupes rupibus ponere merce soni?

An mihi tignifere vellent se cespite silve

Aurita prebentes viro robora traicio?

25

Caliope aonias forsan tibi suggeret alnos?

Locuta dices, audio, omnia non pereant,

Aut hiemes patiere malas, vel dignus Vgonis

Locellus exurges mei, comptulum et hospicium.

Facta cave claudique dei mereare rapinam,

30

Neptunias post hanc minas, ut Cibelesque Iovis,

Illa prius motu expugnat, nive conterit iste,

In sex quaternis solibus funera bis pateris.