Quando erit obscuri laribus contentus Amicle
Cesar, et imperium spernet, bellumque timebit,
Appius invise metuet certamina plebis,
Mutus erit Cicero, formosus Galba, fidelis
5
Annibal, infidus Scipio, Catilina pudicus,
Cherulus altisono carmen dictabit Omero,
At prius armatum Tersites sternet Achille,
Sol Stigia prerumpet radio mirantibus umbris
Tartaream subito complebit lumine vallem,
10
Hecterea bos facili penetrabit astra volatu,
Oceanum formica vado, Tanaisque tepenti
Ibit aqua, stringet glacies dempsissima Nilum
Nix extrema teget Meroen, nostreque carebunt
Ymbre, meduseis infecta cruoribus arva.
15
Surget ab occasu nitidis Aurora capillis,
Retrogradumque diem fucos transmictet ad Indos
Et Padus ad fontem, Vesulique redibit ad arcem,
Hecna vomet fluctus gelidos, osorgia flammas.
Aura movebit agros, contemnent nubila ventos,
20
Montibus errabunt pisces, pelagoque leones.
Tunc tua propositum convellent carmina nostrum.