11.
Iam glaciale solum conuexaque summa gehenne
Transgredimur, iam nos concomitantur aque.
Saxosus gelidusque viam Durencia monstrat
Et Rodani ripas aruaque nota petens.
5
Ventus ab aduerso violento murmure perflat
Precipitansque niuem turbidus ora ferit.
Ytalie post terga manet pulcherrima tellus,
Quam uetat etherei cernere montis apex.
Ante procul colles et Gallica rura patescunt.
10
Gentibus hic fuerat terminus, est et erit.