In eundem

Cur placuit cunctis Turnebus? Cur tot amici

      Illi vix hostes unus et alter erant?

Cur placuit cunctis? Tot linguis lingua diserta

      Totne illi potuit conciliare viros?

5

Cur placuit cuncis? An quod certare videbant

      Iudicii dotes dotibus ingenii?

Cur placuit cunctis? Cunctas placuitne quod artes

      Excoluit Graias, excoluit Latias?

Cur placuit cunctis? An quod totusque lepores

10

      Spiraret totus quod lepidosque sales?

Causae equidem sunt hae, sed haec est maxima causa:

      Hic placuit cunctis quod sibi non placuit.