Hic mirabilis et novus libellus

Aequandus veterum libris avorum

Quo, quicquid dat in orbe vita toto

Rarum et nobile fertur ac refertur.

5

Tantum fert tibi Crasse gratiarum

Quantum Poliphilo tulit parenti

Vitam Poliphilus dedit, dedisti,

Vitam tu quoque, sed necem repellis.

Nam cum conditus in situ iaceret

10

Lethen iam metuens sibi propinquum

Das hunc gentibus omnibus legendum

Parcis, sed melior parente natum

Proiectum gremio tuo levasti.

Sic nunc contigit huic libro refertque

15

Patrem Poliphilus Iovemque Crassus.