17. in falsum maledicum ode decima septima

Pater nefasto te genuit die,

Aut nocte dira, dum vaga colchicis

Magus venenis Olympo

Astra trahit, tumulisque sagae

5

Imis vagantur murmure, quo tremit

Tellus, quo aperto Cerberus ostio

Longe recedit, supernas

Vnde animae veniunt ad auras,

Saevis coactae carminibus suos

10

Artus solutos summere, ceu prius:

Et somniantes tremendis

Visibus, et vigiles molestant.

Abominato e gurgite non sacro

E fonte, natus primitias aquae

15

Vdis tullisti Capillis,

Thisiphone fuit et sacerdos:

Multum malignae quae tibi viperae

Linguam rubentem sanguine noxio

Cum sibilis viperinis

20

Inposuit, propria revulsa.