Tarquinia Molza carmina, 20

Reference basis text: B. Baldini, 1586

Editing of the digital edition: Michela Naccari


20. Ioannis Turrii ad Fulvium Pac.

Effigies, quam tu sublimi carmine tollens,

      Contendis vultu Tarquiniae esse parem,

Delapsa aut caelo est, simulacrum ut Palladis olim,

      Quod Diomedeae surripuere manus;

5

Aut, licet exuperet prisci quidquid tulit aetas

      Temporis, humana est si modo ficta manu,

Es quanto maior Fulvi omnibus ipse poetis,

      Caelesti tanto est illa decore minor.