45. AD GHERARDVM SPINIVM

Ad Soderinam, Spini dulcissime, cum me

      Iussisset secum Laelius ille tuus

Ire salutatum, magno inflammatus amore

      Porrexi victas victus et ipse manus.

5

Tum, simul ac sensi tam docte et dulce loquentem,

      Tam suaves numeros scribere tamque bonos,

Quando una et forma excellens et sanguine avito,

      Excellit tantis dotibus una animi,

Vnam etiam merito admirans hanc esse putavi,

10

      Cui soli explerit Thespias unda sitim.