60. IN EIVSDEM OBITVM
In magno patris imperio quam vixerit insons
Quamque incredibili relligione pius,
Qui modo vix quarti ingressus vestigia lustri
Vltima Ioannes flosculus orbis erat.
5
Testantur gemitus passim lachrymaeque bonorum,
Inque ipso populi publicus ore dolor.
Sed, cui vel Latium meminit, vel Hetruria nusquam
Nec vidisse ullum, nec genuisse parem,
Flagitia ille hominum et scelera importuna perosus
10
Et misera innumeris secula nominibus,
Debuit ad Superos tum primum atque astra reverti,
Cum reliquis vita haec gratior esse solet.