50. IN OBITVM HENRICI VALESII GALLORVM REGIS

Henricum tristis cum iam Bellona videret

      Cepisse invicta regna superba manu,

Moxque sibi generum partis emisse Philippum

      Austriacum et populis otia longa suis:

5

Indoluit celebrisque inter spectacula ludi

      Obvia perfracta casside fudit humi,

"Atque in connubii pacisque hoc foedere (dixit)

      Quae caderet, nusquam victima maior erat".