Gian Domenico Cancianini odes 3, 16

16. in nuptiis Ilbii et Glicerae
ode decima sexta

Formosam Gliceram duxerat Ilbius

Versutus iuvenis, tunc Citharae donant

Parsim lumina clarant.

Plauduntur choreae pede.

5

Post haec se adpositas laute, hilares ferunt

Mensas; plus hilarat coena, merum, ioci,

Quaedam facta novis sunt

Munera edenda iugalibus.

Hoc tantum referam, quod memorabile est.

10

Donum sponsum agit. Dat Glicerae suae

Tostum vite Columbum,

Quando avis est Veneris salax

Coxas nupta, caput, collaque dat viro,

Et mandit relinquum, quod tenet alitis.

15

Ad lectum hora iacendi

Mox vocat: in talamos eunt,

Simplex sponsa thoro. Cur ita? Clamitat,

Non sic credideram. Munera reddimus,

Inquit, vestra, maritus:

20

Colla, caput, femora, at sile.