Gian Domenico Cancianini odes 3, 4

4. ode quarta

Cur me sic refugis Lydia, ut obvios

Denteis si aspiceres et rabiem canis?

Tandem pone timorem

Vano non opus est metu.

5

Hostis non ego sum: tu quoque dilige.

Non est, cur timeas blandicias, iocos,

Complexusque suaveis,

Divae munera Cypriae

Tempestiva viro te mihi subice

10

Aequans munia, me non fuge, dum licet.

Exemplum cape: mater

Dic, et succubuit tua?