98.
Iacobo Paterno genitori et Caecilia coniugi
Hic Iacobe iaces genitor, dilectaque coniux
Caecilia, hic tecum contumualta iacet.
Felices animae, sancti concordia lecti
Vos habuit quondam, nunc lapis unus habet.
5
Mox dabitur cineres nato gaudere relicto,
Ludere ni genii credula corda velint.
Qui simul ambobus posuit commune sepulcrum,
Parva, sed est magnis gratia pro meritis.