208. ad Ioannem Moronum cardinalem

Cum Tyberis tumido late prorumperet amni,

      Saevaque vicinos mergeret unda lares,

Haud mirum Morone tuos superesse penates:

      Non potuit sacris unda nocere locis.

5

Sancta fides tutata fores, penetralia Phoebus,

      Virgineus tenuit tecta verenda chorus.

Hinc secura igitur quam sit mens conscia recti

      Quisque putet, quam nec perdere possit aqua.