151. ad Alfonsum Carrafam, cardinalem Neapolitanorum
Cum simul in te uno splendescant ordine miro,
O iuvenis sacrae spesque, decusque ratis,
Admirata olim quaecunque est docta vetustas,
De te quid digne dicere quis poterit?
5
Tu satis unus eras aeterno carmen Homero,
Virgilio carmen tu satis unus eras.
Mi sat erit spectare procul tua lumina, ceu quis
Eois Solem surgere cernat aquis.